Total Pageviews

Powered By Blogger

Sunday, August 30, 2009

හුදෙකලාව










හුදෙකලාව....!
නුඹ සිහින අලුත් කරයි
රුධිරයට අම්ලකර සපයයි


අළුයම අවදිව කරන
'ප්‍රාණයාම' සේම 
පෙනහළු වල 
පිරිසිදු වායුව පුරවයි...  


මම පෙම් කරමි 
එනිසාම හුදෙකලාවට...

Tuesday, August 25, 2009

සඳේ මුකුලු



තරින්දානෙනි,ගගන යහනත
විසල් නැතිදෝ තනිව ඉන්නට
නිවෙද්දී තරු කැට එකින් එක
ළගින් ඉන්නට එන්නදෝ මම

වළාකුලු සලු පට මුදා හැර
සුපුන් වත මද සිනහ තවරා
රොමැන්තික සඳ දහරෙ වෙලිලා
නිවී සැනසෙමු රැය ගෙවෙන තුරු

රැ කුමරි මල් පුසුඹ විඳිමින්
ක්ෂීර පථයේ කිරි තරඟ මැද
පිහින පිහිනා තුන්යමේ රැය
අපි ලියූ කවි අරුත් පසිඳිමු

නගාට ........

වැසි බිංදු අතර
බොඳ වුණු සිහින
අරන් අත්ලට එකින් එක හෙමින්
සිතුවමට නගන්නම් ආදරය
කඳුලු දිය වලට නේක....
වර්ණ සංයෝග කර

ඔබේ වැට අද්දරින්
පිපී එබිකම් කරන
සුවඳ මල් කැකුළු නොතලා සෙමින්
කියවන්න මා ලියූ
ආදරේ කුරුටු ගී

ආදරෙන් පැරදිල නැති නිසා
පැණි කුරුල්ලන්ට ඒ කවි, ගීත-
බර වැඩියි..
දුක හිතෙයි
කුරුළු ඇස් අග්ගිහේ
කඳුළු තවරන්න
මට හිත් නොදෙයි 

සයිබර් දඩයක්කාරයින්


අනේ!... මේ ඇත්තමයි
ඉඩ දෙන්න ඇබින්දක්
ඉන්න අපට පාඩුවේ
ඔයාලගෙ ආදරේ
සැහැල්ලුයි මිල අඩුයි


අගය බිංදුව තමයි
වචනවල විතරමයි
හිතේ නැහැ ඇබින්දක්
හෙට්ටිවීදියෙත් නැති
රත්තරන් මුතු මැණික්
වහිනවා අනෝරා වැසි වගේ
ජාල අවකාශයේ


ගලවලා දෙන්න හැදුවාට
හදවත
රැවටෙන්න නම් එපා නංගියේ
මතක් වෙනවා පැරණි ගීතයක්
'පියඹා ආවා ප්රේම කුරුල්ලා'
සයිබර් අවකාශේ කූඩු තනන්ටා

නූතන ථෙරි ගී



මිදුනෙමි

 මායාවේ රැහැනින් ඉතින්
ඉඩ නොදෙන්නෙමි කිසිවෙකුටත්
දැලට අසු කරගන්නට මා යලිත්
'මකුළුවා දැල වියා රැක සිටී'
වෙබ් අවකාශයේ
නිරන්තර ඇරියුම් එවමින්
මා පමණක් නොව
මගේ යෙහෙලියන්වද
දඩයම් කරන අටියෙන්

මා මලක් මෙන්
මොළොක් සිත් ඇති
ළඳක් වූයෙමි
සියලු කල්
මලක් වන් සිත
ගලක් කළෙහිය
ප්රේමයේ රුදු වන සපුන්



දෙඩූ මියුරස වදන් විස කටු
ලෙසින් හදවත ඇනෙයි නිරතුරු
ලියූ කවි ගී නිදි වරා ගෙන
කොනිත්තයි හදවත සියුම් තැන්

අහම්බෙන් ආ අකුණු සැර සේ
ස්වප්නෙකින් දහවල මිදුණු සේ
ඇස පහළ විණි
නැණ පහල විණි
අවිද්යාවෙන් විද්යාව
පසක් කර ගත්තෙමි

"මිදුණා, මිදුණා
රැහැණින් මිදුණා
ප්රෙමය නම් වූ මායාවෙන්
මිදුණා, මිදුණා
ඔහුගෙන් මිදුණා
අසත්යයම සත්යය කර දැක් වූ
ප්රේම චෞරයාගෙන් මිදුණා"

අවසන් ආවර්ජනය




මැරුණු සෙනෙහස
මිහිදන් කළෙමි
විටෙක පහුරු ගා
පස් ඉවත් කර
බලන්නට සිතේ
මියගිය සෙනෙහසේ රුව ගුණ

සිත සවිමත් කර ගනිමි යලිදු
සොහොන් බිම පස්වත් නොපාගන්නට
එය ගොඩගන්නට නොහැකි තරමටම
ව්යසනයට පත්ව ඇත

උලලෙහෙනියක් ගයන
මළ පොතේ කවිය
ඇසේ අන්ධකාරය විනිවිද

පිනි වැහි


පිනි වැස්සක් පතමින්
අහසට යොමු කළ
මුහුණට
කඩා වැටුණේ
රළු දුහුවිලි
හිරු කාශ්ඨකය!

සයිබර් දූෂණය


විශ්වයම
සයිබර් අත්ලෙහි ඇඹුලක්ව
පැහැදිලිව දිස් වන සඳ
දුරස් වූ මිතුදම් ළංවී
පුපුරා ගිය බැඳීම් පෑහී
ආදරය දළුලයි
ලා රෝස පැහැයෙන්
පරිඝණක මුහුණත් මත

එසේවම
මල් කැකුලු සිත්
තලා පෙලා කඳුළු
පුරවන
දැඩි සිතැති සළෙල
මානවකයන්
සයිබර් නබෝ ගැබ
පරිසරය
දූෂණය කිරීම
අහෝ! දුකකි.

තමන් සෙවීම


බලනු මැන
නන්දාව පෙරවූ කසාවතින් සහ
මුඩු කළ හිසින් යුතුව
කරන සැටි සක්මන්
නිසල මහමෙව්නාවෙහි

උදන් වැකි නොකියන්නී
සිතින් ඇගෙ නොතැවෙන්නී
මැරුණු ප්රේමය කර ගසා ගෙන
අබ සොයා නො ඇදෙන්නී

සයිබර් පරිබ්රාජකයා කෙරෙහි
වෛරයක් නොසිතන්නී
මෛත්රියක්ම මිස

අනුන් සෙවීමට වඩා
තමන් සෙවීම
අගනා බව
ඇය පසක් කොට ගෙන ඇත

සොරබොර මී මල්

සොරබොර වැවේ රැළි පොජ්ජයි
කැකුළිගෙ සිනා මල් පොජ්ජයි
මී මල් පුසුඹ බහ පොජ්ජයි
හඳුන් පොතට මංගච්චයි

නෑනි තැවෙන්නේ මොන්නටදෝ බොල
නෑනිගෙ තනියට මා ඉඤ්ඤා
මී වද පැණි පිරෙනා කාලෙට මා
නෑනි සහෙට ගෙන ඉගිලෙඤ්ඤා





මී පුප් බිම වට නෑනිගෙ පතුලට
මිරිවැඩි ලෙස මං පළදිඤ්ඤා
මොරමල් වියනේ බිඟු ගී යහනේ
නෑනිගෙ ලැම මත සැතපෙඤ්ඤා

කඩියා දිමියා ඉච්චර කරගෙන
මහවැලි දියවර සැනහීලා
අම්මිල ඇත්තොට අප්පිල ඇත්තොට
වැඳ අවසර ගමු පින් දීලා

ගිම්හානය

කිරි කඳුලකට
හඬන බිලිඳුන්ට
මව් ලමැද උණුසුමත්
නොරිසිය
වියැලුණ දෙතන පුඩු
නොහෙලන නිසා
කිරි බිඳක් බිලිඳු දෙතොලට

නිල්ල ඇතිරූ කඳු ගැට
සිසිල වපුරන ගහ කොළ
මිහිදුම සිහින දළුලන
හීනයක්මැයි
මෙ'අපට
ගිම්හානයම
ගිනිගෙන
දවන සඳ
සබ්බ සකල මනාවම

චන්ද කින්නරාවී

දහසක් බුදුන් බුදුවන
මේ හිමිදිරි
උදෑසන
චන්ද කින්නරාවී
සිහින වැල්ලේ
තනිවම
බලා සිටින්නී
ලබන්නට වරමක්

සඳ කිදුරාට බැඳි පෙම
සතුරු හීයකින්
විද නොමරන ලෙසට

ආත්ම ගණනාවක සිද්ධි
කුමට චක්රාකාරව
ප්රතිඋත්පාදනය
විය යුතුද?

සුසුවඳ....


දෙකඩව තිබුණු හද පතුර
පෑහුණු විට
එකම එක කුළුණු වදනකින්
එක යායට පිපුණා
අරවින්ද..කුන්ද සමන්
ගලා...ගලා...ගලා....
සුසුවඳ........!

නිර්වචනය
කළ හැකිද...?

සයිබර් නබෝ ගැබ

නන්ද කුමරුනි .....
අසිරිමත් සයිබර් නබෝ ගැබ
මණ්දාකිනිය විණිවිද
මම ඔහු දුටුවෙමි
බලා සිටිනු...මා දෙස නොව
අනන්ත තාරකාවියන් දෙස
එහෙත් පර්යන්ත ජනපද මායිමේ
එකලාව වෙසෙන සඳ
සයිබර් සඳළුතලයේ
කිසා ගෝතමියක්ව
මුතු හර විසි කරනු රිසියෙන්
සුපරීක්ෂාකාරී වූයෙමි
සයිබර් අවකාශයේ
සරන මානවකයන්
සිත් පහන් නොකරත්මැයි
එනිසා නන්ද කුමරුනි
අරා සුදු අසු එනු මැන
ඔබටමයි හිමි මුතු හර
නන්දාවන් සුරත රැඳි
මිදී වෙබ් අඩවියෙන්
ඉගිලෙමු නඳුන් උයනට
වැතිර කප් තුරු සෙවනේ
ගයන්නට සුමියුරු පෙම් ගී
දැහැන් ගත වී බිඳුවකට
අපගේම පමණක් වූ
දිව්යමය ලෝකයක.....

නිමා වූ ගිමන


ඊයේ රෑ
මහ දුහුවිලි කුණාටු සමග
පරලව...නටා
මහ තොවිලයක් කර
මෙන්න සරත් සෘතුව
ඇවිදින් අහම්බෙන්
ඇරියුමක් නොලබාම

ඉතින් ගිම්හානය
හැර යන්න අවසරයි අපව
මදෑ දවාලූ තරම!