සස්සඳ සසඳ මැද හිඳිනා සාවුන්නේ
සස්සඳ වකෙන් වක මෝරා හිනැහෙන්නේ
ඇස් දෙක පියෙන්නට කලියෙන් සිතපන්නේ
තිස්සෙම ගැහැණු සිත් නම් නැහැ ඉවසන්නේ
සත් සඳ ගලේ ගිරවුන් පෙම් කෙළිණු දුටිම්
මත් වූ කෙවිලියක් පෙම් ගී පුරනු දුටිම්
සිත් සන්තොසින් එහෙ මෙහෙ පිය හඹනු දුටිම්
අස්තංගත හිරේ රත් පැහැ සිඹිණු දුටිම්
සත්සඳ කිරණ පුපුරා සඳ මෝරන්නේ
සස් සඳ කිරණ යට වරළස පීරන්නේ
සස්සඳ සකිය, කිම ඇය සිත පාරන්නේ
වැස්සක පෙර නිමිති නුඹ තෝරාගන්නේ
Wednesday, October 26, 2011
දීපාවලී
.
දීපාවලී
පොට්ටු රතට රතු හිනැහෙයි නළල් තලේ
තට්ටු පාවඩය රඟ දෙයි නිතඹ වටේ
කිට්ටු වෙන්න මට කෝලද තංගච්චි
රට්ටු කියන පද නොඅසන් පොල්කිච්චී
ගෙල වට සයනයිඩ් තාලිය ඉවත දැමූ
නුඹ සුන්දරයි අපි ළඟදිම කූඩු වෙමූ
කලබල සිතත් සන්සුන් වෙයි විගහටම
පිල වට එළමු තල් පැදුරක් ඇලවෙන්න
වල් වැදී හිටිය කාලය ගිනි බිඳිමින්
කල්පනා නොකර යට ගිය දේ නැවත
තෙල් පුරා පහන් තබලා නෙක හැඩට
දල්වමු දුරින් දුරු වී යන්නට අඳුර
කෝලම් ඇඳුණු ගෙමිදුල, දොර ළඟ සොඳුරු
වාලම්පුරි නැතත් ගෙන එනවා ඉසුරු
කාටත් සතුට, සාමය සොම්නස මහරු
පානක් ගානෙ වැඩි වෙන්නට පතමු අපි
එහෙන් මෙහෙන් ගිනි බිඳිනා හඬ නොමැති
ත්රස්ත බියෙන් හදවත් ගිනි වැදෙන්නැති
යෙහෙන් ඉන්න දුන්නාට අනේ පින් ඇති
ජයෙන් ජය වෙන්න දීපාවලිය මතු ! ! !
දීපාවලී
පොට්ටු රතට රතු හිනැහෙයි නළල් තලේ
තට්ටු පාවඩය රඟ දෙයි නිතඹ වටේ
කිට්ටු වෙන්න මට කෝලද තංගච්චි
රට්ටු කියන පද නොඅසන් පොල්කිච්චී
ගෙල වට සයනයිඩ් තාලිය ඉවත දැමූ
නුඹ සුන්දරයි අපි ළඟදිම කූඩු වෙමූ
කලබල සිතත් සන්සුන් වෙයි විගහටම
පිල වට එළමු තල් පැදුරක් ඇලවෙන්න
වල් වැදී හිටිය කාලය ගිනි බිඳිමින්
කල්පනා නොකර යට ගිය දේ නැවත
තෙල් පුරා පහන් තබලා නෙක හැඩට
දල්වමු දුරින් දුරු වී යන්නට අඳුර
කෝලම් ඇඳුණු ගෙමිදුල, දොර ළඟ සොඳුරු
වාලම්පුරි නැතත් ගෙන එනවා ඉසුරු
කාටත් සතුට, සාමය සොම්නස මහරු
පානක් ගානෙ වැඩි වෙන්නට පතමු අපි
එහෙන් මෙහෙන් ගිනි බිඳිනා හඬ නොමැති
ත්රස්ත බියෙන් හදවත් ගිනි වැදෙන්නැති
යෙහෙන් ඉන්න දුන්නාට අනේ පින් ඇති
ජයෙන් ජය වෙන්න දීපාවලිය මතු ! ! !
Subscribe to:
Posts (Atom)