Total Pageviews

Wednesday, May 7, 2014

යළිත් මේ ගැන සිතා බලනු මැන!

  
 
 
 
යළිත් මේ ගැන සිතා බලනු මැන
 
 
"ස්ත්‍රී දූෂකයාටම දූෂණයට ලක් වූ තැනැත්තිය විවාහ කර දිය යුතු වගට නීතියක් ගෙනෙන්නට සූදානම් ලු......."

එපා බල කරන්නට නීතියෙන්
සරණ යන ලෙසට මට
මාව කෙළෙසූ අධමයා සමග

මා පියාණන්ට වැඩියෙන් මහළු
එහෙත් කණ මදයෙකු සෙ සුරා ලොල්
තිරිසනෙකු සමග මා
මගේ මුළු ජීවිතය
ගත කරන්නේ කෙළෙස?

දයා කරුණා නොමැති
ලතෙත් නැති පිරිමියෙකි,
ඔහු දරුණු

ඔහු සමග කෙළෙසින්ද
බෙදා ගන්නේ යහන
යළි යළිත් මා පෙලූ
සැහැසි කම් මතකයට පිවිසෙද්දි

එවිට මා වින්දාවූ
මානසික කම්පනය
මනස මා පෙළනු ඇත
යළි යළිත් දූෂණය
වීමක්ම පමණක්ය
නීතියෙන් ලබා දෙන තීන්දුව

ජීවිතය ඇති තුරා
සිර දඬුවමක් වේය එය මහට
අපරාධයේ යෙදුණු විත්ති කරු
තවත් ගැහැණියක් යළි
දූෂණය කළ විටදි
ඇයත් ඔහුටම විවා කර දේද
ඊනියා ව්‍යවස්ථා?

තීන්දුවෙ වාසියත් අපරාධ කරුට මිස
වින්දිතයෙකැයි කියන මට නොවේ
රට කරවනා උගත් මහතුනේ
යළිත් මේ ගැන සිතා බලනු මැන!
 

No comments:

Post a Comment