දරට ගිය කණිසමේ
දර ඉපල්ලක් සේම
කේඬෑරි නුඹට
හදි කළ අවලමා
අහු වුණා නම් මට
හතර හන්දි කඩනවා
කඩනවාමයි
ආයෙ දෙකක් නෑ
අන්නාසි ගැට, සතකුප්ප
ඇහුවෙ නැහැ මොකුත්ම
අත්තම්මා කියනවා මට ඇහුණා
උඹේ පරවෙච්ච
මුහුණ ළඟ
ඇහේ හිරවෙච්ච
කඳුළු මිරිකමින මම
අප්පච්චි තඩිබෑවෙත් උඹටමයි
අම්මන්ඩිගෙ දෙස් දෙවොලුත්
උඹටමයි
අර යකා නිදහසේ සෙයිලමේ
ඒත් මට කියාපන්
මද්දුමියෙ
මට නොදී උඹ විතරක්
කාවෙ ඇයි තනියෙම
සීනිත් එක්ක අඹරලා
කනේරු ඇට
Subscribe to:
Post Comments (Atom)
No comments:
Post a Comment